AC兵疲+作客 鬥卡利亞里冇優細

猪拉多纳

20/12/2011
文： 巨高

聖誕節假期前最後一輪意甲，其中一場由衞冕嘅AC米蘭作客卡利亞里。AC米蘭上輪聯賽喺主場對錫耶納，雖然「紅黑兵團」淨勝兩粒，但過程絕對唔輕鬆，似乎經過大約半季勞碌後，球員或因體力透支，近期已現疲態。紅黑兵團要應付意甲同歐聯兩條戰線，疲累情況會比其他球隊更嚴重，今場未必多波入，宜揀細。（now 633及660周三凌晨3時45分直播）




卡利亞里今季聯賽主場只曾一敗，而所遇嘅對手係今季意甲作客王拉素，輸波亦無話可說，但今次對手AC米蘭作客演出不及拉素，想喺撒丁島逞強唔係咁容易。


阿里基念舊唔去盡


仲要留意一點，就係AC教練阿里基正正就喺卡利亞里成名，如果冇卡利亞里老闆施連奴賞識，阿里基未必有今時今日，正所謂飲水思源，今次阿里基重遇舊球會或有所保留，未必會去得太盡。何況AC米球員已有疲態，之前勇到爆燈嘅奇雲保定都熄晒火，中堅尼斯達又未康復，戰鬥力減弱下，今場或會悶戰一場，揀細。