皇馬主場大屠殺

猪拉多纳

20/12/2011
文： 笛子波童

法比加輝出外公幹，今日由波童客串推介西班牙盃第4圈次回合，皇家馬德里首回合作客領先丙組仔邦弗拉甸拿2比0，今返主場就算以副選上陣，牌面依然遠勝客軍，今季除巴塞外，所有球隊去到巴拿貝起碼輸3粒，邦弗拉甸拿又點會例外？「讓球主勝」或大盤都值得捧場。




（now 632周三凌晨3時直播）




其實唔使波童多講，相信大家都知今場雙方實力差距有幾大，就算皇馬今仗收起C朗、迪馬利亞同奧斯爾等主力，憑荷西卡利祖、格尼路、紐尼沙軒等副選亦冇輸波之理。皇馬近兩季同巴塞乜都爭餐飽，目前聯賽、歐聯冠軍誰屬仲未知，但巴塞周日喺日本捧走世冠盃威到盡，皇馬肯定大受刺激，呢場西班牙盃當然要盡砌攞番啲聲勢。


主場9勝狂入41粒


皇馬今季主場踢咗11場正式比賽，除咗兩鬥巴塞1和1負，其餘9場全勝攻入41球，平均每場入4球或以上，以中位數3.5球計，淨係皇馬一隊已經夠開大，1.4倍「讓球主勝」或1.57倍「大」都係穩健之選。