馬體會做海鮮大王

猪拉多纳

18/12/2011
文： 法比加輝

今晚西甲早場，馬德里體育會主場對貝迪斯。馬體會今季大換血後，依然戒唔甩纏繞多年嘅海鮮味，表現飄忽令人難以捉摸。不過馬體會有樣好，就係呢班波入得又失得，所以球隊近十二場賽事有十一場開大，今場入球大有1.75倍，值博。（now 632周日晚7時直播）




馬體會入得又失得，佢哋今季加入法卡奧、迪亞高及阿祖安盧比斯等高質球員後攻力大增，今季聯賽已經射入廿三球，可惜防線毫無改善，聯賽失球比入球仲多，至今已失廿五球，漏洞十分嚴重。亦因如此，馬體會近期連番開出大盤，近十一場正式賽事有十場總入球超過2.5球，當中更有八場總入球超過3.5球，可算係最近開大嘅保證。至於客隊貝迪斯最近同樣利開大盤，近四場比賽有三次開大，防線亦係充斥問題，所以加輝認為今場毋須想太多，簡單追大盤最好。


維拉利爾夠鐘翻身


此外，奧沙辛拿主場對維拉利爾，「潛艇」今季成績差，多少因為球隊要應付歐聯、聯賽兩邊戰線，加上傷兵頻頻，所以搞到依家要護級。不過維拉利爾已經在歐洲賽全面出局，而球會亦講明餘下賽事會以護級為首要目標，今場受讓值博。（now 632周一凌晨1時直播）