熱刺有火大起黑貓

猪拉多纳

18/12/2011
文： Mic少

熱刺上輪聯賽輸波，歐霸盃亦出局，領隊夏利列納火滾，禁止球員開聖誕節派對，球員谷埋一肚火，今晚英超主場對新特蘭，勢必將對手當成發洩對象。新特蘭由新帥奧尼爾接手後，上仗首度領軍反勝，士氣大振，預料會有一場火併，建議捧入球大。（有線301及201台周日晚11時直播）


奧尼爾魔法鬥攻


熱刺主帥夏利列納講明嚟緊賽程非常頻密，十四日內踢四場，更加要專心備戰，所以嚴禁球員開派對。大時大節冇得玩，的確好慘，不過人心肉做，如果今晚可以踢場漂亮勝仗，或者仲有商量餘地。「巨大利益」當前，相信熱刺球員必然會搶攻求勝。




新特蘭上仗比賽末段反勝布力般流浪二比一，證明奧尼爾真係有化腐朽為神奇嘅魔力，最重要係戲劇性贏波可望大大提升球員信心，要入熱刺波並唔困難。