阿仙奴搶曼城頭等飛

猪拉多纳

18/12/2011
文： 樂比堅尼

今晚英超連場大戰，前列球隊分段登場！為在下周聖誕快車啟動前搶得頭等靚飛，一眾列強今晚不容有失，其中重量級大戰係尾場曼城主場迎戰阿仙奴。兵工廠經過季初災難性演出後，近期表現漸入佳境，反觀榜首曼城接連受挫，信心難免受到動搖，兩軍狀態一起一落，阿仙奴有力搶分成功，曼城讓半一，樂比仔捧下盤，另外亦可兼顧埋大盤！（有線200及300台周一凌晨零時10分直播）




曼城季初係威係勢，但歐聯出局，聯賽不敗身又被車路士打破，球隊目前面對前所未有嘅困境，喺呢個時候對住氣勢如虹嘅阿仙奴，可以話相當蝕章，雖然曼城聯賽主場依然保持全勝紀錄，不過以兩隊級數咁接近，主W熱到得1.58倍，樂比仔認為曼城值博率甚低。


防線不穩易開大


事實上，阿仙奴季初成績差主要原因係陣容不整，但隨着主將陸續復出，近八場聯賽踢出七勝一和佳績爬返上爭標行列，當中包括作客擊敗車路士五比三，戰績含金量甚高，而且隊長尹佩斯近期真係弗得好緊要，今季聯賽已射入十五球，喺射手榜領先，腳風順成咁，曼城防線未必嘜得住佢！




當然，阿仙奴後防亦出名唔穩陣，今季已失二十三球，僅得七支英超球隊嘅失波多過佢哋，好似梅迪薩卡、哥斯尼都係計時炸彈，而另一邊廂嘅曼城主場相當旺開大，七場當中有六場入三球或以上，所以今仗除下盤外，大盤都係相當好嘅選擇。