富咸化悲憤為力量

猪拉多纳

17/12/2011
文： 張志德

英超今輪有場中下游對決值得留意，富咸主場迎戰保頓，富咸剛於歐霸盃出局，球員心情差，但仍需化悲憤為力量，努力保住英超席位，今次主場對住包尾大幡保頓不容有失，細鬼信賴富咸主場威力，捧主Ｗ！




（有線202及302台周六晚11時直播）


保頓攻不銳守不穩


富咸本周中於歐霸盃對奧丹斯發揮唔錯，點知因為最後階段一時唔集中失守，白白失去晉級席位，球員心情肯定唔慌好。不過，富咸球星懷斯、梅菲、丹普西及杜夫等人個個身經百戰，已經見慣大場面，絕對唔會因為歐洲賽失利嚴重影響作戰情緒，今次留守主場再戰英超，必定想撥亂返正。




另一邊廂保頓今季攻不銳、守不穩，表現跌晒Watt，雖然上月曾於主場大勝史篤城，但之後聯賽四戰全敗，現時信心同狀態同樣唔及對手。另外，保頓隊中多位主力同球會合約將於明夏屆滿，但仲未傾掂數，全軍上下士氣欠佳，作客出戰冇乜爆冷本錢，今場主Ｗ熱至1.52倍，仍然值得一試。




本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。