巴塞爭「最強」開薩戒

猪拉多纳

15/12/2011
文： 阿占

巴塞隆拿今晚向真正「地上最強」榮譽進發！有美斯、沙維、恩尼斯達、法比加斯等球星壓陣嘅巴塞，今晚會喺世冠盃四強戰亮相，對手係卡塔爾嘅艾薩德。論雙方人腳、經驗同卡士都冇得比，連艾薩德主將干尼都承認今場贏波機會得一成，巴塞就算要讓到3球，1.92倍「讓球客勝」點都要捧啦！（有線61及201、廣東體育周四晚6:30直播）


巴塞放半日假叉足電


巴塞啱啱至喺西甲國家打吡擊敗皇家馬德里贏出漂亮一仗，上番榜首後就安心轉征世冠盃。雖然話要遠征東瀛，不過小弟相信以巴塞嘅比賽經驗，一定有辦法幫球員盡快適應。據聞佢哋去到日本後，特別重新安排作息時間，幫球員適應時差。到埗後又畀球員放半日假叉電，相信班球員依家應該都唔會好　。




教練哥迪奧拿賽前都講，要贏埋今次隻世冠盃，球隊先真真正正叫得做「地上最強」。其實都只係要贏兩場波，就可以捧走「世界冠軍」名銜，對巴塞嚟講絕對唔難，今晚準決賽對艾薩德就係個磨刀嘅好機會。韋拿、阿歷斯山齊士、柏度洛迪古斯個個都要爭正選，對住艾薩德肯定射爆佢哋啦！


亞洲冠軍艾薩德預咗輸


艾薩德係亞洲冠軍，上一圈淘汰非洲冠軍艾斯柏蘭斯晉級，實力其實唔係差得咁交關，只可惜佢哋遇正超晒班嘅巴塞！上場入波功臣干尼賽前都話，皇馬有四成八機會贏巴塞，但最後都輸1:3；艾薩德今場頂多得一成機會贏波，今場慘敗咪惟有當學嘢囉，無計啦！




頂占筍盤：巴塞（讓球客勝）




有線球彩台主持阿占

電郵：soccer64@cabletv.com.hk

PHONE波熱線：1831 678

「球彩俱樂部」開放時間：周四晚10:30至11:45