蒙特雷 艾斯柏蘭斯 入球騷氹Fans

猪拉多纳

14/12/2011
文： 翁文成

墨西哥勁旅蒙特雷同突尼西亞嘅艾斯柏蘭斯兩支喺複賽出局嘅隊伍，今日喺第5名賽交鋒，為咗面子同向遠道東征捧場嘅Fans，點都要做番齣好戲，入球大抵玩。（開賽時間：周三下午3:30）


蒙特雷喺複賽雖輸畀柏雷素爾，但佢哋其實幾有質素，畢竟漢拔圖蘇亞素同右翼施薩迪加度都有歐洲賽經驗，火力夠晒保證o架！


對家艾斯柏蘭斯上仗輸畀艾薩德查實幾冇運，事關呢支突尼西亞球隊食咗兩次詐胡！更火滾嘅係艾斯柏蘭斯班Fans，有位球迷上仗仲嬲到殺入球場，最終畀在場保安制服。班擁躉咁熱血，艾斯柏蘭斯邊好意思唔打番場爭氣波吖？況且第5名只係個安慰獎，心理包袱唔大隨時踢得更放，入波唔慌少。