智大晒利冷

猪拉多纳

14/12/2011
文： Mic少

利加大學能夠闖入決賽，全靠主場高原氣候之助，由第一圈至四強，五次主場全勝，策略上採取主攻客守，一直好奏效，但竟然喺決賽首回合被打破金身，令球隊方寸大亂。

利加大學落後焗攻

形勢所逼之下，「利大」今仗必定要改變戰術，主動出擊求收復失地，不過要一支「作客蟲」喺人哋地頭搶攻，無疑自取滅亡。


反觀智利大學可以喺高原贏波，簡直能人所不能，亦證明實力凌駕對手。事實上「智大」晉級過程非常具說服力，包括兩回合總比數五比○大勝巴西勁旅法林明高，五比一踢走阿根廷球隊沙蘭迪兵工廠，四強主場贈另一支巴西兵團華斯高兩蛋，真係贏到盡。


「智大」好大機會成為首支奪得南球盃冠軍嘅智利球隊，今仗喺國民面前更加要踢場好波，唔會只死守保勝果，以佢哋今屆神勇演出淨贏兩球並唔難。另外，要留意決賽唔計作客入球優惠，如果兩回合總比數打和，會加時三十分鐘，再和就互射十二碼分勝負。