歐霸盃狙擊出線兵

猪拉多纳

14/12/2011
文： 法比加輝

歐霸盃分組賽今晚上演最後一輪，投X策略四字咁淺，就係反出線兵！上周歐聯分組賽最後一輪有辦畀大家睇，除巴塞隆拿及皇家馬德里兩支「外星球隊」照贏波贏盤，其餘七支早已出線球隊全部輸盤，可見戰意係投X保證，今晚四支仲要爭出線球隊拉素、比錫達斯、巴黎聖日耳門及海法馬卡比，均在主場面對已出線對手，贏面梗係高啦！

聖日耳門搶包交差

F組巴黎聖日耳門主場對畢爾包，畢軍已鎖定首名資格，今場只屬例行公事，但聖日耳門就要搶分爭出線，只要佢哋贏波而同組薩爾斯堡贏唔到施洛雲，聖日耳門就可以出線。基於畢爾包近期賽事頻繁，教練比爾沙勢必留力派副選上陣，第二梯隊難與爭勝心強烈嘅聖日耳門抗衡，一於捧主勝。


（有線64及204台周四凌晨2時直播）

畢爾包殘陣讓路

畢爾包近期要應付聯賽、西班牙盃及歐霸三條戰線，球員已經疲態盡現，上場聯賽主場對桑坦德完場前被逼和就係最佳證明，相信比爾沙今場會讓主力團休息，查維馬天尼斯、阿武列比達、迪馬高斯及安達靴里拉都獲准留在西班牙，至於洛蘭迪、古柏治及伊戈馬天尼斯等傷兵就繼續缺陣，人腳可謂相當唔齊，加上例行公事相信都無心戀戰，實在捧唔過。


相反聖日耳門今季大搞，歐霸盃絕對係佢哋杯茶，聖日耳門陣中擁有柏斯托尼及利尼等技術型球員，實力比畢爾包有過之而無不及，加上戰意壓一，1.48倍主W咪嫌少。