畢爾包新仔靠「德」住

猪拉多纳

11/12/2011
文： 鄭少偉

呢期最Hit嘅話題，應該離唔開曼市雙雄緣盡歐聯，雖然好多人話堂堂英超班霸要轉戰歐霸盃好失禮，但其實亨利就覺得都OK喎，事關兩隊都未捧過呢個盃吖嘛，哈！哈！至於喺歐霸盃出咗線嘅畢爾包，今晚西甲喺主場迎戰桑坦德，由於夠分篤定首名，點都唔使喺歐霸盃32強遇上曼市雙雄，下星期場分組賽可以大踢風流波，今場仲唔盡情砌低隊桑坦德呀？一於直取2.02倍「讓球主勝」！（開賽時間：周一凌晨2:45）




桑坦德作客未威過




畢爾包今季由阿根廷名帥比爾沙執教，佢老哥過去教親嘅都出名喪攻唔使本，但可能礙於畢爾包一向齋用土炮，所以人腳選擇唔多，亦未必個個啱佢使，所以佢今季提升咗唔少新秀上一隊。新仔經過季初時間適應，慢慢開始有貨交，好似西班牙Ｕ21新星蒙尼恩，同迪馬高斯都愈踢愈好，令畢爾包慢慢交出成績，近10場聯賽只係僅輸1仗，為咗繼續力爭上游，今場自然唔可以放過排緊榜尾兼作客不勝嘅桑坦德啦！