馬里迪莫主場惡頂到賓菲加

猪拉多纳

11/12/2011
文： ComboKing

今日阿King將推介焦點集中於葡超身上，「神奇球隊」馬里迪莫主場鬥賓菲加，受讓捧「讓球主勝」。馬里迪莫呢支小島球會本季主場惡到暈，七戰六勝一和，啱啱仲於葡萄牙盃擊敗賓菲加。賓軍周中踢完歐聯，作客讓波有暗湧，捧馬軍成功搶分！


利亞拿唔怕甘馬雷斯


除傳統「Big3」外，幾乎每季都有一支葡超球隊異軍突起，本季就輪到馬里迪莫。現時馬軍高踞聯賽第五，僅比士砵亭少一分，就知佢哋有幾堅。再睇埋主場數據，馬軍得勝率更高達八成六，而且上仗就於自己地頭打敗賓菲加，球員信心更足。賓菲加剛於周中擊敗加拉治，取得歐聯分組賽首名資格，士氣當然係高；但馬里迪莫位處偏僻，作客小島都好辛苦，今場捧 「讓球主勝」啱數。（周一凌晨4時15分開賽）




另一戰里奧艾維主場對基維辛迪，論狀態實力都以客軍秤先，今仗里軍讓波，只不過出於主場因素，捧基維辛迪「讓球客勝」。最後利亞拿主場鬥甘馬雷斯，客軍本季表現遠不如上季，而利亞拿主場三連勝惡氣十足，今仗受讓捧「讓球主勝」。