早飛露搏殺手影 阿特蘭大打爆卡

猪拉多纳

11/12/2011
文： 肥叔

上周中歐聯里昂奇迹大炒薩格勒布戴拿模晉級，引來唔少人談論，歐聯球隊實力差距唔大，出現呢類大比數特別礙眼，場波仲要關乎出線席位，即時引來各方揣測，有人話係蠱惑波，但暫時未有證據顯示臨場投X有異樣，唔可以咁快下定論。




翻查當日投X情況，大戶臨場追捧薩格勒布戴拿模下盤，當里昂打多個嗰陣，大戶仲買埋細盤，結果連輸幾注，唔通連佢哋都中招？到底場波有冇問題，依家言之尚早，不過，部分歐洲小國球隊向來沙膽，乜都夠膽死，真係好難搞，參與足球菠菜難以避免畀呢類人為因素影響，玩得就預咗承受風險。


維拉利爾係時候反彈


講番今次推介，意甲賽事阿特蘭大主場對卡坦尼亞，捧主隊！兩隊都係中游分子，論級數大家咁高咁大，但近期卡坦尼亞處於低潮，聯賽頻頻輸波，內部氣氛麻麻，今場莊家開阿特蘭大讓半球，初盤已有大戶出手買上盤，情況絕不尋常，似乎出擊格局，上盤值得留意。（周日晚10時開賽）




跟住睇場西甲，維拉利爾主場對皇家蘇斯達，要主隊！維拉利爾今季表現好沉，不過，球隊於歐聯出局後，可以集中精神應付聯賽，預期可止跌回升，呢班波質高，只要重建信心，可望谷底反彈，今次主場對皇蘇讓半一，飛數相當硬淨，睇落都幾對辦，上盤有計！(now 632周日晚11時直播)