蒙特雷隊長佩雷斯 贏過皇馬攞世冠季軍

猪拉多纳

11/12/2011


蒙特雷雖然係首次踢世冠盃，但對隊長路爾斯佩雷斯嚟講一啲都唔陌生，因為呢位墨西哥國腳，曾於首屆代表尼卡沙於世冠盃出賽，仲喺季軍戰擊敗皇家馬德里奪得第三名添。


有信心打入4強


路爾斯佩雷斯今年三十歲，司職中場，○三年由尼卡沙加盟蒙特雷踢到依家，係球隊嘅靈魂人物，路爾斯佩雷斯曾六十七次入選國家隊，大賽經驗豐富，佢承認今仗對柏雷素爾唔易踢，但有信心打入四強同山度士爭入決賽。




路爾斯佩雷斯表示：「中北美洲球隊從未打入過決賽，但我有信心今次可創造奇迹，我哋備戰工作相當充分，非常重視今次比賽。」