不來梅穩嚼「冇牙狼」

猪拉多纳

10/12/2011
文： Wendy

馬加夫曾經係我最愛嘅德甲教練，估唔到佢去咗史浩克04一陣，「狼堡」就可以衰成咁，今季仲一直喺積分榜下游徘徊，佢回巢後都好頭痕呀！今晚呢隻「冇牙狼」作客去到主場氣勢強勁嘅雲達不來梅，又點會咬得死人？咁梗係撐番主隊啦！（有線61及64台周六晚10時30分直播）


禾夫斯堡攻守都曳


曾幾何時，馬加夫都教過不來梅，之後以鐵腕領導「狼堡」，佢對好多球員都睇唔順眼，好似前鋒希美斯咁，之前因為「屎波」畀馬加夫罰獨自練波，仲要貶埋落預備組度踢，希美斯真係咩自尊都無晒。另外，基傑亞高斯同中場普歷克都畀馬加夫開口彈過，話明唔想再用佢哋，咁繼續留喺度都唔慌有好下場啦。事實上，今季「狼堡」叫做似樣啲嘅有文迪蘇傑，佢今季有八個入球，迪查加都有多次助攻。可惜佢哋入多多都唔夠失，條後防線暫時踢十五場聯賽失咗三十球。




不來梅今季回勇，依家同榜首拜仁慕尼黑相差五分，咩都可以發生啦！雖然不來梅近三場輸咗兩場，但今季佢哋輸波嘅對手全部都係強隊咁滯，上星期就係死喺拜仁手上，但對榜下游分子，就實食無黐牙，尤其喺主場出擊，勝出率極高，七場主場贏六場，只係輸過畀多蒙特，主勝同「讓球主勝」兩瓣揀晒。




Wendy推介 雲達不來梅 勝、讓球勝




熱愛舞蹈的Wendy，2004年歐國盃Euro Babe變身成為有線球彩台節目主持，當初對足球猶如混沌初開，依家已滾瓜爛熟，最愛暢談波經。




phone波熱線：1831 678

電郵：soccer64@cabletv.com.hk

開放時間：「超級星期六」晚上10:00至深夜3:30