哈化史浩克開大片

猪拉多纳

09/12/2011
文： 蘇斯黑柴

德甲獨腳戲哈化柏林主場鬥史浩克04，史浩克實力同近況優勢唔算明顯，今場作客要讓波有啲勉強，兩軍近期攻優於守，雙方都有當弗優質前鋒壓陣，但防線同時不穩，黑柴推介1.72倍入球大。（有線61及201台周六凌晨3時30分直播）


史浩克今季成績令人滿意，歐霸盃提早出線，聯賽已殺上第四位，只落後榜首拜仁三分，球隊攻力強橫，一雙星級箭頭亨特拉爾同魯爾近期頻有士哥，前者上仗對奧格斯堡首開紀錄後，今季聯賽已入十三球，喺射手榜已經追平領先嘅拜仁射手馬里奧高美斯。不過，史浩克防線狀態唔穩定，上仗主場面對奧格斯堡一度陷於苦戰，若非對手鋒將把握能力較差，失球應該唔只一個，佢哋近五場聯賽有四場開大，共入十一球但亦失咗六球，基於仍然有機會挑戰首循環冠軍，今仗作客亦會搶攻。

哈化進攻三叉戟有睇頭

哈化進攻火力都有睇頭，年輕鋒將拉蘇加光芒四射成為球隊首席射手，10號仔進攻中場拉菲爾基達奴近期更加弗爆，已經連續五場有入球或者助攻，加埋喺前場擅打反擊嘅阿祖安拉莫斯組成三叉戟，但近期防線不濟，雙中堅胡比歷同安德列米積杜域頻頻犯錯，左閘高拜亞韋利亦呈現老態，佢哋同史浩克一樣，近五場聯賽有四場開大，共入十球但亦失番十球。今場兩軍踢法都大開大合，相信入波唔會少。