里昂大開「薩」戒博奇迹出線

猪拉多纳

07/12/2011
文： 朱楓

今晚歐聯D組里昂作客大魚腩薩格勒布戴拿模，贏波就梗㗎啦，更何況呢支法甲班霸仲要追得失球差，3.25倍「讓球客勝」值得冷吼！（開賽時間：周四凌晨3:45）

薩格勒布超級魚腩

由於之前兩對阿積士互交白卷，里昂今場一定要贏、仲要望阿積士輸得大大鑊，追番7球得失球差，先有望奇迹出線，雖則可能性唔大，但世事冇絕對，朱楓相信里昂今晚必搏，畢竟中場干拿倫斯已復出，加上前線有近兩場勁入3球嘅利辛度盧比斯掛帥，有大勝嘅本錢。


要數今屆歐聯最大魚腩，嚟自克羅地亞嘅薩格勒布戴拿模肯定係其中之一，5戰全敗勁失15球，平均一場失3球，上輪獲皇馬放水，先攻入今屆歐聯分組賽首2個入波。由於肯定包尾出局，冇機會轉戰歐霸盃，戰意真係好低，更何況又有後衞施蒙歷、杜尼爾、中場查高同比斯根缺陣，輸2粒係最低消費。