波圖大走辛尼特

猪拉多纳

06/12/2011
文： wendy

歐聯G組出線位置剩番一席，就係由波圖同辛尼特去爭，咁蹺今晚兩隊碰頭踢生死戰，主隊波圖喺呢組比辛尼特少一分，得七分排第三，必定要贏波至可以出線，預計呢場會有好多士哥，可留意大盤！（有線63及203台周三凌晨3時45分直播）




當初歐聯抽完籤，大家都會以為G組嘅尼科西亞係魚腩，同組嘅辛尼特、波圖同薩克達仲唔偷笑咩？點知呢組最先出線嘅就竟然係尼科西亞！上一輪我做辛尼特對尼科西亞嘅直播，自己都有份買主勝，點知尼科西亞真係守得有板有眼，最終和波兼出埋線！嗰場波仲加送辛尼特粉絲放煙搞事環節欣賞，個場搞到好似拜山咁大煙，球證要叫停賽事等啲煙散，依家辛尼特可能有手尾跟，隨時受罰添呀。


辛尼特求和冇咁易


至於意外地尚未出線嘅波圖，自從前領隊保亞斯走人後，改由副手彭利拿執教鞭，再加上法卡奧閃去馬體會，成隊波的確有點走樣，但球隊骨幹球員仍在，爛船都有三斤釘。波圖首循環作客辛尼特輸一比三，嗰場我有做直播，其實比賽初段波圖係佔優嘅一隊，衰在臨完上半場前右閘富斯尼無厘頭犯規被逐，打少個最尾先輸，今晚返主場喺唔贏唔得嘅情況之下，又有腳風超順嘅「大籮王」侯克助陣，入波唔成問題。




辛尼特比波圖多一分，只要和波都出到線，但佢哋本身防守不太出色，作客打守勢波冇着數，教頭史巴列堤一定唔會叫班波咁做。辛尼特續有基沙哥夫養傷，但仍有保卡洛夫頂佢個位，加上丹尼仔每場波都有用不完嘅氣力，擅射亦擅傳，配合陣中多位有質素嘅俄羅斯國腳，今晚必然搏盡。呢場波兩隊為爭出線一定當決賽咁踢，入球大係不二之選。




Wendy推介：波圖（主勝、入球大）




phone波熱線：1831678

球彩電郵：soccer64@cabletv.com.hk

「歐聯戰略館」開放時間：晚上10:30-11:45