意國判官旺尾段士哥

猪拉多纳

06/12/2011


今場「車華生死戰」將由意大利判官洛基執法，呢位三十八歲球證其實喺上年才首度吹歐聯，大賽經驗唔算豐富，但佢就有一樣特色，事關佢今季吹嘅兩場歐聯賽事，完場前例有「士哥」，投X者值得參考。


爭議判決玩死波圖


被譽為意大利球證壇新星嘅洛基，今季吹過兩場歐聯分組賽，分別係F組多蒙特主場對阿仙奴，以及G組尼科西亞主場對波圖。F組嗰場阿仙奴長時間領先多蒙特，但賽事去到八十八分鐘，「蜜蜂兵團」 憑比列錫一腳世界波追成平手。




至於另一場更加在尾段出現兩個入球，而且頗具爭議性，波圖占士洛迪古斯在八十九分鐘大有插水之嫌下博得十二碼，由侯克操刀追平。殊不知僅一分鐘後，尼科西亞戲劇性以一記帶有越位之嫌嘅入球擊敗波圖，搞到後者鬼咁勞氣，唔知今場又會唔會臨天光才有入球呢？