馬賽靠阿休兄弟闖關

猪拉多纳

04/12/2011
文： 力奇

法甲馬賽強勢復甦，繼上周聯賽主場以3:0大破奪標熱門巴黎聖日耳門後，昨晨佢哋又喺法甲作客贏卡昂2:1，周中佢哋喺歐聯F組生死戰作客多蒙特，絕對值得睇好。




周中又係歐聯孭重飛，馬賽近排狀態回勇，贏卡昂一役多得阿休兄弟先後建功贏波。雖則賽後有消息傳出後備上陣嘅基格納拉傷鼠蹊，同中場麥比亞都未必可以披甲鬥多蒙特，但基格納一向唔受重用，影響唔大，對住有防線主力舒姆沙停賽嘅多蒙特，應該有運行。


巴素利焗攻益晒紅魔


另外，曼聯喺C組作客巴素利和波都掂形勢有利，雖則有貝碧托夫繼續缺陣，中場卡域克又停賽，好彩有尼曼查維迪復出守住後防，巴素利焗攻仲牙煙，紅魔鬼1.54倍客W有買趁手。


葡盃賽制：


今輪為16強賽事，以一場過分勝負，若法定時間內打成平手，則需加時作賽，再和則互射12碼決勝。