科大葡盃醒客W易「索」

猪拉多纳

04/12/2011
文： BlackJack

打啲雞肋盃仔，往往好睇啲球隊嘅心態，科英布拉大學鬼咁緊張今日响葡萄盃16強作客對歷索斯場波，個2.45倍客W不妨一博，用嚟過落去亞琛上盤。登地聯入球大兩瓣，差唔多會有9倍回報㗎。




科大今季响盃賽嘅表現好過响葡超，上一圈喺葡盃16強就贏咗班霸波圖，今日佢哋對住葡甲第4嘅歷索斯，主帥柏度艾文奴呢兩日不斷咁同班球員洗腦，話對手雖然係甲組仔，但係主場出擊唔易應付，歷索斯隊波亦相當硬淨，絕對唔可以輕敵咁話。柏度艾文奴似乎有啲言過其實，因為由對賽往績去睇，科大近5次作客歷索斯攞到4勝1和未輸過，又有乜好驚呢？佢咁樣危言聳聽，不外乎怕班人Hea住踢，破壞佢個爭盃大計啫。


些路迪體力輸蝕難保清白


雖然科大有迪奧高高美斯、袓奧里爾兩個中後場膝傷休戰，艾度拿爾巴亞又畀塞內加爾U23徵召咗，不過整體實力始終高過歷索斯，只要班人聽老細講加多兩錢肉緊，開W應該好正常。




同樣肉緊嘅仲有些路迪，佢哋要搶分追格拉斯哥流浪，今日作客登地聯唔會放軟手腳，但係佢哋個中場列特利足踝有傷，多數唔使預，雲耶馬又啱啱至傷愈復操，加埋早兩日喺歐霸盃同馬體會激戰咗一場，體力輸蝕，後防未必保到清白，博入球大啱數，何況些路迪近6次去登地聯踩場，就開咗4次大。




德乙亞琛對1860慕尼黑場波，雙方近況都麻麻，但係亞琛主場出擊向來食住對手，最近6次喺自己地頭打1860，就贏咗4次咁多，勝率達到6成6，小讓平半，上盤絕對可以諗。