榜首戰加柏唔赦多蒙特

猪拉多纳

03/12/2011


除咗南北打吡，同時間上演嘅慕遜加柏主場對多蒙特喺形勢上更重要，呢場係聯賽榜二哥對一哥嘅榜首戰，亦係魯爾地區保路西亞打吡戰，慕遜加柏實力略居下風，但有強勢主場作後盾，唔赦不擅作客兼有歐聯後顧之憂嘅多蒙特，推介1.88倍「讓球主勝」。




（周六晚10時30分開賽）




慕遜加柏喺出色教頭法夫爾手上脫胎換骨，近期聯賽四連勝愈贏愈易，而且主場一向係強項，喺法夫爾上任至今，主場14戰取得11勝2和1負佳績，球隊近9次主場對多蒙特成績係5勝1和3負，法夫爾上任後1戰1勝，球隊防線一向穩陣，箭頭迪甘馬高傷愈復出，主場出擊好難輸。




榜首多蒙特近期喺聯賽亦成績出色，不過作客向來係弱項，今季聯賽連歐聯10場作客只得3勝，中堅蘇保迪同中場大將施雲賓達缺陣帶嚟不穩定因素，而且下周中要同馬賽踢歐聯生死戰，今仗作客隨時和都願，除「讓球主勝」外，入球細亦可兼顧。