基輔攻城搶分冇留手

猪拉多纳

01/12/2011
文： ComboKing

多場歐霸盃分組賽中，阿King重心落於E組英格蘭史篤城對烏克蘭基輔戴拿模身上。史篤城手執十分喺手，今場只要和波已夠分出線，會唔會踩行油贏波？阿King就有多少保留。反觀基輔排第三肯定冇得留手，戰意夠堅定，受讓值得撐場。（有線61及201台周五凌晨4時05分直播）




史篤城在歐霸分組賽表現神勇，三勝一和在E組領頭，只要今場再取一分就肯定提早出線，求和合情合理。不過史篤城嘅對手唔易應付，皆因佢哋係烏克蘭班霸兼歐聯常客基輔戴拿模，後者現時排在烏超榜首，近三場聯賽贏晒，狀態好到不得了！而且基輔在分組賽只得五分，今場唔會坐以待斃，戰意肯定較主隊旺盛，受讓平半值博。


史浩克主場摘「星」


至於另一關就選J組塞浦路斯ＡＥＫ拉亞拿卡對以色列海法馬卡比，主隊雖然只有兩分，但其實仍有機會出線，首要條件就係今場贏波！可惜ＡＥＫ拉亞拿卡防守力頗差，早前分組賽就試過淨吞史浩克04五蛋，因此空群而出隨時招惡果，建議捧客勝。最後一關亦揀J組賽事德國史浩克04對羅馬尼亞布加勒斯特星隊，史浩克贏波就能宣告出線，為免夜長夢多相信會在主場拿下三分，主W穩陣唔好嫌熱。