拉素生死關頭有得伊

猪拉多纳

01/12/2011
文： Mic少

歐霸盃D組賽事，呢組士砵亭已獲得出線席位，餘下一席屬於華斯路伊同拉素之爭，兩軍同分今輪正面交鋒，由羅馬尼亞兵團華斯路伊佔主場，贏波一隊即出線，輸波一方則出局，屬於名副其實生死戰。嚟到呢個重要關頭，球員經驗及心理質素先至係勝負最關鍵因素，意甲勁旅拉素喺呢兩方面都佔優，1.9倍客勝值博。




（有線63及203台周五凌晨4時05分直播）




歐洲四大聯賽球隊踢歐霸盃，有超班之感，好多時未必去盡。不過來到生死關頭又另計，預料拉素今仗會打真軍，呢支歐洲賽常客嘅經驗及人腳質素均在對手之上，特別係高路斯、施斯及靴蘭尼斯射術佳，只要一踩油，要贏華斯路伊並唔困難。




華斯路伊輸經驗質素




華斯路伊上輪可以贏到士砵亭，主因係對手已提早出線，未有盡力所致，睇番之前三場分組賽，表現唔算特別好，可以打和拉素及蘇黎世，都係受惠於對手有球員被逐，恐怕今次唔會再咁好彩。




同組另一場比賽士砵亭主場對蘇黎世，主隊一早出咗線，上輪已放軟手腳輸波，至於蘇黎世晉級機會渺茫，作客三連敗，估計佢哋都冇心爭勝，可揀入球細。