|
|
29/11/2011
今晚曼城作客阿仙奴，中場拿斯尼好有機會首度倒戈，到時肯定被人噓到爆，不過兵工廠領隊雲格就呼籲球迷唔好咁做，希望善待對方。
「踢過阿仙奴都值得尊重」
法國國腳拿斯尼効力阿仙奴時，一向係球迷寵兒，點知今季初因為不滿球隊實力，加上受唔住金錢誘惑，甘願背負「猶大」之名，轉投爭標死敵曼城。今晚聯賽盃8強，拿斯尼將係轉會後首度重返阿聯酋球場比賽，相信到時一定畀球迷狂噓。
不過作為同胞兼恩師嘅雲格，賽前就話呢位24歲中場值得廠迷尊重，希望球迷唔好對拿斯尼作出負面嘅行為：「我覺得曾經効力阿仙奴嘅球員都值得尊重。我希望球迷今晚集中支持球隊，而唔係向曼城球員柴台。因為只有大家團結，阿仙奴先可以贏出比賽。」
雲格仲強調聯盃賽對佢哋絕對唔係雞肋：「每場比賽對我哋都好重要，因為每場勝利都會令我哋變得更強大！」
|
|
金睛卡
发表于 2011-11-29 10:05
变色卡
显身卡