塞圖巴爾發憤執甘

猪拉多纳

28/11/2011
文： Combo King

今晚葡超獨腳戲由甘馬雷斯主場對塞圖巴爾，或受過往差劣表現所影響，塞圖巴爾經常畀人睇小，但今季塞圖巴爾確有明顯進步，聯賽演出唔差得過主隊，今輪受讓捧「讓球客勝」。




（周二凌晨4時15分開賽）


查爾頓大勇贏「德」


塞圖巴爾近年都喺降班區浮沉，而今季球員發憤圖強，演出已見有改善。而塞圖巴爾早就將目標定喺護級，季初就開始搶分工作，就算作客都唔會放過取分機會，既有護級動力支持，今場不能輕視。對手甘馬雷斯今季退步，純計聯賽成績同塞圖巴爾差唔多，主W過熱唔抵玩，「讓球客勝」值得一試。




另外英甲方面，由查爾頓主場對哈特斯菲爾德。今季查爾頓狀態大勇，聯賽主場不敗之餘，亦係首支入球達至四十大關嘅英甲球隊，攻力有幾強唔使多講，縱然哈特斯菲爾德都係實力分子，但遇到查爾頓應惡唔出樣，今場可捧查爾頓主勝。至於明早阿甲賽事，由聖達菲聯主場鬥獨立隊，留意到兩隊近三次對賽，入球都係一球起兩球止，而聖達菲聯於阿甲開細率仲高達八成，數據強烈無謂拗頸，料今場都係開出細比數，推介波膽1:1。