馬拉加和主惹味啲！

猪拉多纳

28/11/2011
文： 笛子波童

周二凌晨西甲獨腳戲，馬拉加主場迎戰維拉利爾。馬拉加今季主場除咗輸畀皇家馬德里，其餘四戰保持全勝，不過當中三次都係小勝一粒，而且同樣都係踢到下半場至奠定勝局。維拉利爾近期聯賽演出有改善，隨時有力頂得住半場，如果嫌主W或上盤冇肉食，可敲半全場「和主」。




（now 632周二凌晨4時直播）




睇番馬拉加今季主場成績，除咗輸畀皇馬○比四，其餘四場全部贏晒，不過當中只有大勝升班球隊CF格蘭納達四比○較為清脆，其餘三場面對跟維拉利爾實力相若嘅愛斯賓奴、基達菲及畢爾包都係僅勝一粒，而且同樣都係要到下半場先至解決對手。


維拉利爾半場頂得住


正所謂「樹大招風」，有「西甲曼城」之稱嘅馬拉加經過季前大事擴軍，已成皇馬、巴塞以外嘅西甲風頭躉，維拉利爾作客羅沙列達球場自然唔敢輕舉妄動。




維拉利爾因要兼顧歐聯，加上受到傷兵困擾，本土成績大不如前，不過隨着歐聯分組賽篤定出局，球員又開始適應兵源短缺問題，近期喺聯賽表現開始有改善，對上三場保持不敗兼冇失波，今場作客實力及排名都比自己高嘅馬拉加，相信踢法都係先求穩守，唔排除可以頂到半場。如果信數據，馬拉加讓半一好大機會只贏一半盤，不如博更好分頭嘅「和主」或「讓球和」。