貝迪斯信心飛剃蘇

猪拉多纳

27/11/2011
文： SAMVO肥叔

是日英超重頭戲利物浦主場對曼城，論人腳同名氣，依家紅軍一定唔及曼城，不過利物浦向來擅長打老虎，上周已經砌低車路士，反映呢班波真係有料到，今次對住曼城，目前大部分莊家都開緊平手盤，部分行家仲開曼城讓平半，紅軍個盤真係抵玩，絕對值得留意。




至於今晚其他推介，英超升班馬史雲斯主場對阿士東維拉，捧主隊！史雲斯今季升班後主要靠主場搵食，上場對住勁旅曼聯首次於主場輸波，實屬情有可原，如果單計主場級數，呢班波絕對有英超中游水平，評級唔算太低。史雲斯今次面對維拉，正路應該開平手盤，有莊家開出史雲斯讓平半盤口，反映操盤手對佢哋頗具信心，今場可捧上盤。




（有線200及300台周日晚9時30分直播）


蘇斯達跌Watt仲勁


同日西甲早場貝迪斯主場對皇家蘇斯達，要主隊！如果單計近況，兩班波都係曳到不得了，貝迪斯經過季初強勢後，近期表現全面回落，前線入球能力大減，進攻水平急降。另一邊廂蘇斯達今季一直踢唔出水準，連主場表現都唔掂，情況亦唔樂觀。




不過，莊家今場開出貝迪斯讓半球，有行家甚至開到讓半一低水，個盤異常硬淨，似乎有料到，今場可捧主隊。




（now 632周日晚7時直播）

肥叔心水

貝迪斯 上盤

史雲斯 上盤

國際米蘭 上盤

利物浦 平手盤

畢爾包 上盤