帕爾馬攞威平手盤好路

猪拉多纳

26/11/2011
文： ComboKing

今晚有四場意甲，無獨有偶四場都開平手盤，阿King細心研究之後，認為路華拿主場對帕爾馬，平手盤要帕爾馬最筍。新升班球隊路華拿經過季初虛火後，已經露晒底，根本唔夠班喺意甲立足，帕爾馬作客成績差只因大部分對手屬於前列強隊，今仗鬥魚腩可以威番鋪。




（周日凌晨1時開賽）




路華拿兩個月前試過爆冷贏國際米蘭，但之後冇場好波，已經連續八場聯賽未贏過，最離譜係主場吞護級對手博洛尼亞兩蛋，目前積分亦唔及帕爾馬一半。今場開平手盤，相信好大程度上由於莊家受到帕爾馬作客五戰四負劣績影響。




不過細心研究，帕爾馬作客四場敗仗，三場對手屬於積分榜三甲勁旅，包括祖雲達斯、AC米蘭及拉素，輸波情有可原。路華拿實力根本唔可以同上述三強相提並論，帕爾馬明顯被低估，今仗有望威番鋪，平手盤非常抵玩。


法蘭克福德乙超班


德乙亦有好嘢，榜首法蘭克福級數明顯超班，今季聯賽仍然不敗，今仗作客對平庸之輩1860慕尼黑，客Ｗ有1.85倍回報吸引。而卡爾斯魯厄主場對亞琛屬於護級前哨戰，雙方必然搏槌搶分，要入球大。