砂岩漩渦岡薩多爭升班

猪拉多纳

24/11/2011

日職護級方面，山形山神同福岡黃蜂已雙雙降班，尾三甲府風林落後尾四浦和紅鑽三分，而且球差輸緊十六球，如果今輪喺主場贏唔到新潟天鵝，紅鑽同時作客福岡黃蜂贏波，風林就會馬上降班。風林仲有今季上位嘅王牌射手夏雲拿本周要坐波監，對球隊打擊極大，護級前景唔多樂觀。

FC東京篤定回歸日職

日乙方面，會由三隊爭兩個升班席位！日乙勁旅FC東京已篤定回升日職，餘下兩個升班席位由鳥棲砂岩、德島漩渦及札幌岡薩多爭餐死，砂岩及漩渦同得65分位列二、三，本周兩隊正面硬撼，砂岩射手豐田陽平季尾當弗，現以22球喺射手榜領先，今次將全力撕破對手防線。岡薩多有62分在手，但作客唔掂，今輪造訪湘南比馬危危乎，煞科戰仲要硬撼FC東京，認真惡搞！