聖日耳門保帥誓炒南錫

猪拉多纳

20/11/2011
文： Katie

Katie不嬲都係優質生活派，早排劈炮之後就隻身返咗加拿大，探吓親朋戚友兼乘機叉吓電，迎接新工作嘅來臨。份新工冇錯係辛苦，但就大把嘢學，所以無論點OT都冇問題，本小姐頂得住嘅！




巴黎聖日耳門教練甘保亞利壓力都好大，雖然佢哋今季成績標青，但會方依然唔滿足，早幾日法國《隊報》爆佢哋個總經理李安納度，竟然同名帥安察洛堤密斟。查實甘保亞利教得咁好，班球員都幾鍾意佢，Katie亦希望佢繼續有得撈，今晚聖日耳門喺主場恭候南錫，客軍今季作客6戰輸足5場，鋒力係全法甲最削，聖日耳門有力炒起對手，我要1.75倍「讓球主勝」。


Katie推介：巴黎聖日耳門（讓球主勝）


外國長大，半個鬼妹仔，自細因爸爸成日帶朋友返屋企睇波而愛上足球，鍾意睇靚仔但唔會盲目追捧，最緊要係好波。