塞爾維亞超班搶W歎早餐

猪拉多纳

14/11/2011
文： 查理阿蛋

聽朝有洪都拉斯主場迎戰塞爾維亞嘅熱身賽，食住早餐搵Link睇就啱晒。塞爾維亞雖然唔算係傳統勁旅，但人腳質素就相當唔錯，起碼點睇都高過以土炮為骨幹嘅洪都拉斯先吖，2.5倍客W冇走雞！（開賽時間：周二早上9:30）


洪都拉斯遇強即現形


塞爾維亞有唔少高質外流兵，由祖記王牌卡錫同史特加指揮官古斯曼奴域組成嘅中場線，已經比洪都拉斯嘅雜牌軍勝一籌，入波重任則交畀施積（圖）同前紅軍射手米蘭祖雲奴域，兩人一剛一柔極具威脅，小妹相信佢哋有能力攻破洪都拉斯大門。




洪都拉斯向來係魚腩部隊，兩次打入世盃決賽周都係小組包艇出局。今次大軍大部分都係喺國內聯賽搵食嘅球員，稍具名氣嘅只得英超韋根守將美羅費古羅亞，即使佢哋上仗小勝牙買加，但較早前遇上稍強嘅巴拉圭就現形吞3蛋，今仗鬥塞爾維亞聽抬蛋都得咯！