摩甘比唔錫身受讓抵玩

猪拉多纳

13/11/2011
文： 麥馬拿仁

今日續有兩場英足盃首圈賽事，兩支英甲勁旅分途作客，要過關唔係咁易。其中錫周三作客英乙摩甘比，「貓頭鷹」後防多名借將不符資格上陣，而且為爭升班或玩輪換，優勢不如想像般大。摩甘比發揮穩定近況勇，主場受讓好路！（now 670及672周日晚11時15分直播）


錫周三留力聯賽


英足盃係英格蘭本土榮譽最高盃賽，但近年不僅英超勁旅，連次級聯賽隊伍都未必夫添應戰，因為球隊每以聯賽為首要目標，爭升班永遠最緊要，所以今日兩支英甲球隊錫周三同查爾頓，或都會收起部分主力。錫周三陣中有唔少借將，其中狼隊中堅丹尼巴夫、打比郡門將拜獲特同史篤城門神賓馬素爾，全部不符資格披甲，加上領隊加利麥臣極大機會於陣容上輪換，去到摩甘比地頭讓波擇使。




摩甘比現高踞乙組第五，自十月頭輸過一場後，近五仗鬥修安聯等勁旅都保持不敗，而且今仗又有隊長凱寧及前鋒積臣能夠復出，受讓捧「讓球主勝」。




另一場查爾頓作客非聯賽球隊夏利法斯城（now 670周日晚8時30分直播），查爾頓領隊基斯包維心繫爭升班，早前英錦標賽主場對賓福特以副選出戰，最終吞三蛋出局，今場或會再派二線兵落場，故作客讓波唔抵買。夏利法斯城同查爾頓近期都頻頻開大，今場入波唔會少，捧大盤。英足盃九十分鐘打和，需擇日重賽。