東岸決賽 肯薩斯手到拿來

猪拉多纳

06/11/2011


同日東岸決賽，由肯薩斯體育會主場迎戰侯斯頓戴拿模，兩隊近況都弗，但肯薩斯今季起咗新主場後，主場成績突飛猛進，今仗決賽於自己地頭舉行，隨時成為贏波關鍵，捧肯薩斯體育會主勝！




（now 633及660周一早上6時30分直播）




如果講經驗，○六及○七年總冠軍侯斯頓戴拿模略勝一籌，但年代久遠，加上戴拿模陣容上已有頗大變化，都係時候改朝換代啦！




肯薩斯體育會今季改名，仲搬埋去新主場，果然係行大運，佢哋能夠成為東岸常規賽冠軍，最主要就係主場成績好，而且佢哋今季有幾名新星彈起，好似21歲嘅射手賓貝利近期腳風就相當順。


戴拿模作客冇料到


戴拿模最近連贏四場，但佢哋一向不擅作客，球季由三月展開，佢哋要踢到九月尾先取得首場作客勝仗，認真唔掂，睇怕今場都唔係肯薩斯手腳！