魔貓借細做人情

猪拉多纳

05/11/2011
文： 樂比堅尼

聽日係曼聯領隊費格遜執教25周年（銀禧）紀念日，據講費爵爺會舉行三場大型宴會，同職球員、行家及好友齊齊慶祝，但場上派對今晚先上演，「紅魔鬼」曼聯主場迎戰有「曼聯二隊」之稱嘅新特蘭，曼聯Ｗ同「讓球主勝」太熱欠吸引力，既然「黑貓」每逢對曼聯都特別落力，大踢爭氣波，今場一於向細盤埋手。（有線200及300台周六晚11時直播）


曼聯征戰頻未必去盡


曼聯近期處於調整期，近三仗聯賽僅勝一場，上周苦戰下險勝愛華頓一比○，明顯冇早排咁Sharp醒。畢竟聯賽係長途戰，費格遜都唔敢畀班球員去得太盡，而且球隊傷兵亦陸續湧現，好似艾舒利楊格、基斯史摩寧、傑斯、奧雲同湯卡華利都養傷，雖然曼聯仲有大把人用，但如果費格遜又搵朗尼打中場，樂比仔認為只會自亂陣腳。




曼聯自一九六八年以來，主場從未輸過畀新特蘭，加上布魯士教波以來從未贏過師傅費格遜，相信曼聯今場勝算非常高，但從投X角度睇，主Ｗ固然冇肉食，「讓球主勝」及大盤亦唔穩陣，因為曼聯近五次主場對新特蘭，僅得一次開到大盤及「讓球主勝」，可見新特蘭曾多次令曼聯陷於苦戰，曼聯贏得一啲都唔輕鬆。


新特蘭舊魔兵好鬥志


新特蘭陣中擁有多位前曼聯人，除領隊布魯士外，奧沙、布朗、巴士利、基蘭李察臣、費沙甘保都曾効力曼聯，呢個背景令佢哋每次對曼聯都分外落力，好想向費格遜證明自己，近三次交手，兩隊加埋都係入得三球，平均一場入一粒，今場細盤有2.6倍確實值博。