前田遼一博轉會撐山葉

猪拉多纳

03/11/2011
文： 走肖

浦和紅鑽今日喺日職主場對磐田山葉，唔似開到W，首先紅鑽剛啱喺日聯盃決賽落敗，士氣受到致命打擊，相反山葉有射手前田遼一要入波博轉會，應該幫到手開1.75倍「讓客」。（now633台及廣東體育周四下午4:00直播）


紅鑽未回氣鬧中場荒


距離日職收咧得番4輪，紅鑽僅領先尾3嘅甲府風林2分，最慘係鈴木啟太同山田直輝停賽，馬斯奧李察迪斯又未好番，中場根本唔夠人用，據講新教練堀孝史冇得選擇，打算安排高校時代踢進攻中場嘅小島秀仁墮後踢防中，弊在佢平日坐多過踢，唔似做到救世主！




對家山葉現時排第10，表面睇冇咩好爭，但實情連續兩季成為日職神射手嘅前田遼一，最近畀橫濱水手睇中，大家知啦，前田遼一已經30歲，要拎職業生涯最後肥約，關鍵可能就係呢幾場波，佢對上6場入3球，證明心裏團火未熄，更何況，為咗遷就周六舉行亞冠盃決賽，今輪日職提前今日上演，間接令紅鑽踢完日聯盃決賽後，冇足夠時間回氣護級，開W更加難。