銀河劏死牛食大茶飯

猪拉多纳

03/11/2011


美職季後賽明早上演西岸四強次回合大戰，洛杉磯銀河主場迎戰紐約紅牛。銀河首回合險勝一比○，賽後兩隊大打出手，更出言挑釁對方，令呢場波增添火藥味，兩隊為晉級及面子，今場定必毫無保留，樂比仔預期多入球出現，建議捧大盤。




（now 633及660周五早上11時直播）




銀河勇奪常規賽冠軍，首回合作客贏紐約紅牛可謂合理戰果，事關銀河係美職實力最強嘅一隊，除咗擁有羅比堅尼、碧咸及當路雲三粒巨星，其餘位置亦相當平均，紅牛想翻盤可謂非常困難！


當路雲鬧紅牛係恥辱


不過，樂比仔唔太建議捧主W，畢竟銀河有一球在手，以銀河教練艾連拿咁保守嘅作風，真係隨時和波都收貨，樂比仔覺得2.1倍嘅大盤值得留意。雖然銀河今季開出大盤嘅次數唔算多，但去到次回合輸一球係輸，輸十球又係輸，加上兩隊上場開大片，當路雲賽後更大罵紅牛球員係恥辱，預計紅牛今仗會放開懷抱大踢性感足球，同銀河死過！




其實紅牛攻力相當強橫，亨利同洛捷斯合共入咗二十三球，佢哋一直以來最脆弱係防線，今仗更有馬基斯停賽，隨時中門大開，今仗一於捧高回報嘅大盤啦！