賓菲加大起巴素利

猪拉多纳

02/11/2011
文： ComboKing

歐聯C組賽事，葡超賓菲加主場對瑞士巴素利。賓菲加今季雙線發展成績理想，葡超及歐聯仍保不敗，今次主場出擊對住實力平凡嘅巴素利，相信賓菲加有力大勝，不過主W賠率冇肉食，倒不如揀較好分嘅大盤。（周四凌晨３時45分開賽）

賓菲加今場贏波篤定出線，梗係唔會放過巴素利，睇番第三輪賽事賓菲加作客都淨勝巴素利兩球，今次主客互調對賓菲加有好冇壞。有一個數據好值得提出，就係賓菲加對瑞士球隊未輸過，今次贏埋巴素利都好正路。巴拉圭前鋒奧斯卡卡度素今季長期見勇，對住弱隊巴素利隨時又有「士哥」。


阿積士大炒格


另外D組荷甲阿積士主場對克羅地亞薩格勒布戴拿模，「讓球主勝」可捧。薩格勒布戴拿模喺分組賽三連敗兼冇入球，質素有限難睇好，阿積士近兩場贏得輕鬆耗力唔多，只要有正常發揮，薩軍唔係佢哋對手。最後留意一場南美球會盃，由秘魯體育大學主場對巴甲華斯高，基於今場係八強首回合賽事，雙方會踢得較為謹慎，預料入球唔會多，細盤可捧。