辛尼特地頭開「薩」戒

猪拉多纳

01/11/2011
文： 亨格比利

歐聯今晚戰火重燃，辛尼特同薩克達將會打頭陣。G組嘅薩克達要保出線希望非勝不可，奈何傷兵問題嚴重，造訪力爭歐戰主場11連勝嘅辛尼特凶多吉少，寧敲1.75倍主勝。（有線62及202周三凌晨1:00直播）




薩克達小組3戰得2和1負包緊艇，今鋪作客辛尼特焗住要搶攻博3分，不過後防支柱基格連斯基剛啱喺烏克蘭盃拉傷大腿肌肉，經軍醫證實至少要抖3至4個禮拜，加上一對巴西中場謝臣同費蘭甸奴都養緊傷，睇怕今晚都係有心無力。




反觀主隊辛尼特呢排弗到漏油，上輪聯賽大炒禾加3蛋之後，暫時喺俄超Head住次席嘅中央陸軍兩分，亦都為今場歐聯注入強心針。雖然前鋒基沙哥夫足踝受傷上陣成疑，不過葡萄牙攻擊中場丹尼上場聯賽坐完波監，叉足電今晚可以重返正選行列，食住歐洲賽主場10連勝嘅強勢，要剷除殘陣出擊嘅薩克達唔難吖！