修咸頓主主有數

猪拉多纳

01/11/2011
文： 麥馬拿仁

歐聯雖然好戲連場，但萬勿忘記「英冠快車」全速開行，一樣有好嘢。榜首「聖人」修咸頓本季主場九仗全勝，今晚喺福地迎戰彼德堡，預料繼續開「贏＋大」，但兩瓣都冇肉食。翻查往績，修咸頓主場贏波九成半場已領先，今戰吼1.95倍「主主」！（周三凌晨3時45分開賽）




一睇此仗戲碼，不少投X者都會即時想起大盤。修咸頓攻力冠絕聯賽，十四戰入卅一球，而彼德堡就係英冠「大王」，本季開大比率高達八成，但一睇今戰大盤賠率得1.45，睇見已唔多夠喉，而修咸頓主場成績咁堅，主W1.42倍亦熱得合理，既然如此不如轉玩好分嘅半全場。




修咸頓主場威力勁到無倫，每每一開波就攻到對手氣咳，本季九次贏波，八次半場已打好根基領先對手，對住彼德堡亦會用同一戰術。彼德堡後防周時發夢，本季四次作客敗仗，不約而同都係開「輸輸」，故今場「主主」抵玩。


白禮頓打窒道氣繼續反


另一場英冠屈福特主場鬥升班球隊白禮頓，白軍經季初一輪衝鋒後無以為繼，已超過一個月冇贏過波，升班球隊都係打道氣，依家條氣被打窒作客難勝，平手盤當然捧主隊。而般尼主場迎戰「狐狸」李斯特城，「狐狸」炒咗艾歷臣後雖然仲未覓得新帥，但般尼表現飄忽，本季主場未試過連勝，讓唔起對手平半，捧下盤。