阿祖減肥哥連「W」有計

猪拉多纳

30/10/2011
文： BlackJack

有幾個聯賽鬥多個零月就衝線，理論上要爭冠軍或者升班嘅球隊，戰果會比較正路，哥連泰斯、鳥棲砂岩都屬於呢一類。但係日乙「一哥」FC東京今日個水位有啲奇怪，所以不妨掉轉博對手東京綠茵個「讓球客勝」，用嚟過落去哥連、鳥棲應該啱使。




先講兩場正路啲嘅，場巴甲哥連泰斯對艾華爾，主隊依家排第2，落後榜首華斯高2分，雖然話仲剩7 Round，不過呢啲時間唔發力好易追唔番，哥連泰斯今日嘅贏波決心完全唔使懷疑。呢場波哥連肯定要踢少個後衞捷卡奧，事關佢患咗肺炎，上禮拜三就入咗院，但係嗰件肥豬阿祖安奴，响10日前開始咗減重計劃，爭取將身體脂肪比例，由14個巴仙降到11，就算暫時未係好成功，不過狀態好過以前，對提升哥連泰斯嘅攻擊力有幫助o架，博哥連「讓球主勝」啦！




日乙第2位嘅鳥棲砂岩作客FC歧阜，前者落後「一哥」FC東京4分，又畀札幌岡薩多、德島漩渦追到氣咳，今日對住包尾嘅歧阜，要攞3分之餘仲會搏入多幾球，希望响球差方面都有優勢。


FC東京主W熱唔透


至於日乙帶頭球隊FC東京，就會响味之素球場出戰東京綠茵，合演一場「The Battle of Tokyo」。從往績上嚟講，東京响呢個球場9次同綠茵踢打吡戰，取得5勝3和1負，往績佔晒上風，對手又有小林祐希停賽，瓣瓣都對東京有利，但係足智彩開個主W有1.75倍，好分過唔少莊家，場波似乎有啲暗湧，仲未冠軍到手嘅東京，好有可能失分，綠茵受讓值得一試。