錘仔甩皮甩骨難扑白禮頓

猪拉多纳

24/10/2011
文： 麥馬拿仁

英冠獨腳戲，「錘仔幫」韋斯咸甩皮甩骨，作客讓唔起白禮頓！韋斯咸傷兵極多，主力卡頓高爾、馬菲泰萊、湯堅斯、羅拔格連均缺陣，麥克盧保雖能復出，但狀態成疑。白禮頓主場聯賽不敗率超過八成，受讓平半下盤筍！




（now 638周二凌晨2時45分直播）




韋斯咸近期演出飄忽，與陣容不整有關。雖然借得阿仙奴西班牙門將艾蒙尼亞把關，但羅拔格連同中堅湯堅斯缺陣，對防守力仍大有影響，卡頓高爾唔出得，而比基安尼本季仍未有波入，球隊只能靠卡維單天保至尊，路蘭就算係有質素，亦孤掌難鳴。上仗作客修咸頓，「錘仔幫」無端端由442改打433陣式，賽後領隊艾拿戴斯廣受批評，韋斯咸頭頭碰着黑，作客點去讓波？


白禮頓主場不敗率83%


升班球隊白禮頓季初表現令人眼前一亮，最近被對手洞悉打法，近六場聯賽三和三負，球隊進入調整期亦屬正路，士氣未至於受到大影響。事實上近兩場白軍已企穩陣腳，首先主場打和作客有料到嘅侯城，上仗作客亦幾乎贏米禾爾，白軍本季聯賽主場不敗率達83%，受讓平半要得過。