士砵亭強勢打基 點止贏兩粒

猪拉多纳

24/10/2011
文： Combo King

今日有場葡超獨腳戲士砵亭主場鬥基維辛迪值得注意，經過兩季低沉後，士砵亭今季有番生氣，無論歐霸盃同聯賽都有貨交，相信升勢可持續，主場出擊可繼續再追，捧「讓球主勝」。




（周二凌晨3時15分開賽）




士砵亭近期連贏8場，走勢比起上季冠軍波圖更佳。以對手基維辛迪嘅水平，未足以阻止士砵亭繼續贏波。由於士砵亭要努力追趕前列嘅波圖同賓菲加，因此呢3分不容有失。對手基維辛迪只屬今季升班球隊，近況一般加上作客，爆冷機會不大，士砵亭有力贏兩球或以上，「讓球主勝」好路。


禾寧丹讓得起阿高夫


另一場荷乙禾寧丹主場對阿高夫，同樣揀「讓球主勝」。阿高夫後防大穿窿，聯賽4場作客失14球。禾寧丹只要有正常發揮，隨時可大勝一場。至於法乙布羅尼主場對南特，主讓平半可捧下盤。南特陣中有韋托特、捷奴及彭格迪等前法甲猛將，實力有一定保證，受讓唔好錯過。