標準列治o趙烏克蘭魚腩

猪拉多纳

20/10/2011
文： 巨高

歐霸盃B組賽事，其中一場為比利時標準列治主場對烏克蘭球隊禾斯克拉。比利時球隊喺歐洲球壇只屬二線，但已足夠應付魚腩部隊禾斯克拉，始終標準列治歐賽經驗較為豐富，而且今次又有主場之利，爭勝條件充足可留意主W。




（周五凌晨3時05分開賽）




烏克蘭球隊禾斯克拉戰鬥力有限，能打到入分組賽全因外圍賽對手水平超低，比如北愛爾蘭球隊格蘭杜蘭、愛爾蘭代表施利高流浪。就算去到附加賽，對手都只不過係布加勒斯特戴拿模，禾斯克拉根本冇受過考驗就「碌入」分組賽階段，故現於分組賽兩賽皆北可謂意料中事。標準列治話晒都係多屆聯賽冠軍，之前亦有過歐聯經驗，計級數一定超禾斯克拉幾班，主W冇走雞。


漢諾威斬草除「根」


同組另一場賽事，德甲漢諾威主場對丹麥球隊哥本哈根。哥本哈根係正宗「門口狗」，本土聯賽惡到打橫行，但出到歐洲戰場就無以為繼。漢諾威只要有正常發揮贏波冇難度，同樣推介主W。