曼城喪攻「大」破潛艇

猪拉多纳

18/10/2011
文： Kit

歐聯分組賽大戰今晚又嚟喇！曼城剛喺英超大炒阿士東維拉4:1，歷史性登上英超榜首，不過領隊文仙尼賽後已提醒班球員：「唔可以開心得太早！」事關佢哋今晚歐聯生死戰嘅對手係維拉利爾，若果呢場再贏唔到波想出線都難！曼城今晚喺主場出擊，小妹有信心佢哋可以延續近期「喪攻」氣勢，「讓球主勝」同「入球大」必捧！（有線61、201周三凌晨2:45直播）




曼城上輪歐聯發生泰維斯「罷踢」事件，輸波之餘仲搞到滿城風雨，文仙尼頭都大埋！好彩曼城勝在錢多人多，近2場對住啲中下游球隊繼續表現強勁火力，成隊波信心當堂返晒嚟！


巴洛迪利停賽 阿古路復出


曼城球迷最開心嘅，相信都係見到巴洛迪利終於收口，近排連場有波入踢爭氣波，雖然佢今場要停賽，但另一王牌阿古路趕及傷愈復出，曼城嘅攻擊力當然有增無減啦，主場出擊要入波肯定唔係難事！


維拉利爾防線多甩漏


對手維拉利爾開季表現嚴重失色，至今只係贏過1場，佢哋最大問題係防線甩漏多，就連作客對住升班球隊CF格蘭納達都要失波！「黃色潛艇」今季喺歐聯A組2場波輸晒兩個「+1」嘅「讓球主客和」盤口，今場作客曼城就更加唔會睇好，撐1.57倍入球大之餘，不妨要埋個好分少少嘅曼城「讓球主勝」！