曼聯「客客」治亂局

猪拉多纳

18/10/2011
文： 笛子波童

歐聯C組分組賽，曼聯作客對羅馬尼亞球隊加拉治，「紅魔鬼」喺呢組出線可謂全無難度，所以頭兩場懶懶閒兼輕敵，最終導致失分收場，今場係時候重現勁旅本色，客W太熱冇肉食，建議捧半全場「客客」。




（有線64及204周三凌晨2時45分直播）




曼聯首兩仗歐聯分組賽都未有強陣出擊，結果分別打和賓菲加一比一及巴素利三比三，但隨着連續兩場失分，領隊費格遜今場應該會認真番少少，從上仗對利物浦收起朗尼、查維亞靴南迪斯等主力，就知道費Sir今場係志在必得，務求盡快出線，以免夜場夢多。


歐聯作客24場僅1敗


事實上，曼聯近年歐聯有一張極靚嘅成績表，尤其係作客更加演出穩定，過去二十四場歐聯作客，曼聯僅輸過一仗，今仗面對連輸兩場嘅歐聯新丁加拉治，曼聯贏波可謂全無難度，樂比仔相信「紅魔鬼」半場已可解決對手，「客客」有1.58倍回報已算不俗。