C朗玩嘢形象再插水

猪拉多纳

18/10/2011


基斯坦奴朗拿度近期入球數字雖然唔及希古恩，不過喺比賽中卻交出唔少助攻，表現愈見成熟。正當所有人都以為佢大個仔，點知佢喺上場對貝迪斯使出一招後踭出波，又被外界抨擊唔尊重對手，形象進一步插水。




C朗、美斯同係當今球壇天王巨星，不過在球品及形象方面，C朗喺球迷心目中一直比不上美斯。


後踭出波被指侮辱對手


貝迪斯後衞安東尼奧艾美亞對C朗上場用後踭出波表示反感：「當時佢哋已經領先四比一，我對佢嘅舉動好不滿，佢一向都係咁嘅人，經常炫耀自己嘅技術。」其實C朗上季對馬體會時亦曾經用背脊傳波，當時効力馬體會嘅西班牙中場魯爾加西亞就話嬲到想兜巴摑佢，可見C朗幾咁乞人憎。