西維爾冇鑊氣 博1.9倍入球細

猪拉多纳

16/10/2011
文： 自由恆

足智彩連荷乙、法乙都玩埋，筆者尚未深入研究聯賽特色，反而留意到海外莊家相當冷待荷乙，上周二之前竟冇莊家開盤，到上周四足智彩受注埋都係得10間，反觀同時間法乙已經有過百海外莊家受注，外地莊家審慎開盤事必有因，希望荷乙唔會係韓職嘅翻版。




周五開盤場數去到27，量力而為真係好緊要，雖然荷乙係咁開3:3、4:4，睇落相當吸引，但畢竟成個周末有過百場波，今日下晝沙田又有10場賽馬，一定要好好分配注碼先得。


希杭連續4場交白卷


今日西甲尾場有西維爾孭飛，主場迎戰仲未開齋嘅希杭，就咁睇好似幾強弱懸殊，不過西維爾今季守強攻弱，雖然連續4場不失，但入波都係一球起兩球止，今仗仲冇埋受傷嘅首席射手尼格度，面對住連續4場冇波入嘅希杭，好大機會係悶戰一場，1.9倍入球細最值博。（now632及660台、廣東體育周一凌晨4:00直播）




足球重心：西維爾（入球細）




馬膽推介：6場3 多利皇




雖然連續兩場都輸畀「好好機會」，不過今次快馬唔多，「多利皇」有機會喺前面順放，佔得先機就好有機會反壓近仗好遲先至撻得着嘅「好好機會」。