聖日耳門保榜首 勢劏魚腩阿些斯奧

猪拉多纳

16/10/2011
文： 洪心Dee

法甲「曼城」巴黎聖日耳門今晚作客下游分子阿些斯奧，雖然聖日耳門嚟緊周中仲要喺主場出戰歐霸盃，但教練高保尼亞就講明唔會留手，目標係全取3分。事實上，聖日耳門今日只要贏波，大有機會拉開榜首優勢至6分距離，1.55倍客勝完全冇問題！（now633台周日晚11:00直播）


教頭大讚王牌文尼斯


聖日耳門今季大事擴軍，開季表現亦符合預期，近12場比賽共取得9勝2和1負佳績，前鋒文尼斯、加美路、中場柏斯托尼、施素高等Keep住有貨交，其中文尼斯更被教練高保尼亞視為王牌，並且公開大讚此子有前途：「早前文尼斯代表法國對波斯尼亞，即使冇波入，但仍係我心目中嘅Man of the match，佢係經驗少啲，但遲啲肯定仲厲害。」高保尼亞講明今場要贏波鞏固領先優勢，有實力加戰意鮮明，唔係唔捧嘛？




至於升班球隊阿些斯奧開咧至今9場僅得1勝，愈踢愈唔對路，明顯唔夠班。最慘係班波防守力薄弱，迄今為止失咗17球，早被視為降班大熱，今晚就算有主場之利，睇怕都要畀人劏任人魚肉！