阿特蘭大幫丹尼斯除烏出氣

猪拉多纳

16/10/2011
文： Mic少

今季意甲變天，但令Mic少最跌眼鏡係新升班嘅阿特蘭大，如非被扣六分，依家應該位居前六。阿特蘭大今晚主場對不敗之師烏甸尼斯，莊家開平手盤，Mic少要主隊。




（周日晚9時開賽）


唔係扣分已入前六


阿特蘭大雖然係升班馬，但人腳唔錯，中場施加連尼早前更入選意大利國家隊。最值得留意係前鋒丹尼斯，呢位阿根廷射手08至10年間効力拿玻里，已經打出名堂，但上季轉投烏甸尼斯，卻被投閒置散，今季被外借去阿特蘭大，立即大踢爭氣波，已有四球進帳，淨係睇呢單轉會交易，阿特蘭大已先贏一場漂亮勝仗。丹尼斯今仗倒戈，肯定更加落力，要剃烏甸教練古度連眼眉，隊友亦會力撐呢位新揸旗人物，提升阿特蘭大凝聚力，平手盤值博。